سياسة × سياسة
***************
((وزير الكهرباء يوجّه بـ"إختزال الزمن" لرفع القدرات التوليدية للمنظومة الوطنية)).

ههههههههه يابه إختزل إختزل منو لازمك !! بس لو أدري هذولة من يامله الله خالقهم لاهمه يهود ولا همه مسيح ولا همه بوذيين ولا همه مسلمين .. بس خطية خل ننطيه مجال ونشوفه شنو راح يسوّي !!

ويقول الوزير الكهربائي الواطئ الفولتية الجديد (( أنني ارى الامل في بناء العراق من خلال اعمار المناطق المحررة، لقطع الطريق امام الارهاب، والتخريب، فضلا عن الرسالة التي نبثها للعالم اجمع بأننا اساس الحياة، وتاريخنا منارة للشعوب، وإرثنا ضياء للاجيال )).

هاهاهاهاهاها صدكَوني ماأشتهي أضحك وهذا ضحكني
خاب دكَوم ياأساس الحياة يامنارة للشعوب ياضياء الاجيال !!!!!!
أشو الحياة سويتوها جحيم والمنارة فلشتوها وبعتوها تفصيخ والضياء حولتوه الى ظلام دامس والأمل بالحياة قتلتوه .. ورحم الله من قرأ الفاتحة على الحياة والمنارة والضياء

آني عجبي على هذوله منين يجيبون هاي المصطلحات منين
خرب عرضج أمريكا اللي جبتيلنه هيج فطاحل
وأعذروني أخاف جفصت بشكم حجاية
تحياتي