سالفه وربّاط
*********
إسمعوا هاي السالوفه راح تعجبكم هواية
أكو مدينة تحتاج جسر فجمع الحاكم التجار وتبرعوا وبنوا الجسر ، الناس فرحت وصارت تعبر مرتاحة , بس بقى واحد من يريد يعبر يخلي ملابسه على رأسه ويعبر سباحة واستمر على هاي الحالة شتاء وصيف تعجبت الناس !!
فراحوله فد يوم وگالوله :
أنت مخبل الجسر موجود وتعبر سباحة بالصيف بسيطة !!
بس بالشتا خاف تموت من البرد !! فگاللهم أموت من البرد ولا أشارككم بالحرام ، لأن أعرف واحد من التجار إللي تبرعوا فلوسه حرام ، وإذا أعبر وياكم يعني شاركت بالحرام .
فوصل خبره للحاكم فگال أتركوه لهذا الخبل هسة يمل ويعبر على الجسر ،
بس صاحبنا استمر عشرين سنة على هاي الحالة فتعجب الحاكم من هذا الرجال ونزاهته وصبره وإيمانه ، دز عليه وگاله :
راح أسلمك بيت المال لأن چذب الگي بأمانتك عشرين سنة شابع أذية على مود جسر بفلوس بنيانه حرام !!
استلم صاحبنا اليستحرم بيت المال . وماكو أيام وإذا الأخبار تصل للحاكم يابه ترى صاحبك صار تاجر ومن أصحاب الأملاك ويبوگ بأيديه ورجليه !!
دز عليه الحاكم وگاله :
شيخنا شنو السالفة هسة گلنة تبوگ بس على كيفك أشو من أولها العالم عرفت بيك حرامي !!!
فجاوبه : مولاي أريد أطلع تعب مال عشرين سنة أسبح بيها شتاء وصيف حتى اقنعكم وأصير أمين على بيت المال !!!
رباط السالفه : ياسبحان الله اشو هاي السالفه تشبه سوالف جماعتنه النكَريّه
#مساء_الخير
ليست هناك تعليقات:
إرسال تعليق